خلاني بعيون المخاليق مجنون

ويلاه من هم(ن) بدا يعتريني
حسسّني اني من زمن قوم فرعون


الراس شاب وشابت اهداب عيني

والقلب يعلم نزعته خالق الكون

احاول اضحك واتناسا ونيني
ماودي اهلي باللي فيني يحسون

مير00 البلا دمعي على وجنتيني
غصب(ن)عن اوجاعي فضح كل مكنون

اثاري اهلي؛؛ كلهم شايفيني
والمشكله صارو على الحال يبكون

قالوا علامك صرت دايم حزيني
والحال صار اليوم من دون في دون

اللي نشوفه هي حدا الاثنتيني
إما تحب والاّ انت يااحساس مسكون

قلت ايه ربي بالهوى مبتليني
حبيت مثل العالم اللي يحبون

واللي احبه ياهلي له سنيني
غايب ولايدري عن الحال وشلون

شوفو غلاه اللي بجوفي دفيني
خلاني بعيون المخاليق مجنون

احتار00 دكتور المحبين فيني
حتى الشيوخ اللي على الناس يقرون

واللي قسم لارزاق للمسلميني
واللي حفظ في غبة البحر ذا النون

اني على ماكان بينه وبيني
ماني من اللي فـ المحبه يخونون

ليته يجي وتلامس ايده يديني
واحس بالنشوة ولو كنت مطعون

ويظمني ظمة غلا العاشقيني
يمكن يخفف سكرة الموت وتهون

متى على باله يفكر يجيني
لاصرت انا في ظلمة القبر مدفون

تحياتي...