قفا وانا قفيت

الله مـن همـاً يجـز المعالـيـق
همن بوسط الجوف يحرقني إحراق
اصحى منه مـره ومـرات مافيـق
دايـم مرافقنـي ولاعـاد ينطـاق
دونه حرص وابواب قلبي مغاليـق
ليله يسامرنـي لياوقـت الاشـراق
محدن درابه من جميـع المخاليـق
مخفيه عن صاحب وعن كل بـواق
عايش بتعذيبـه عيونـي مغاريـق
من دمعه وصلـت لحـد الاغـراق
من سبت الي مايصـون المواثيـق
وانا احسبني منه محتـاج ميثـاق
قفا وانا قفيت مـن غيـر ماطيـق
واثار بي كل المشاعر والاشـواق
مالي قدا يكـود بـدع الطواريـق
واكتب قصيدي بالقلم فوق الاوراق
واخايل البارق وانا ناشف الريـق
والجرح ينزف بالمحاديـب دفـاق
يالله يمنشـي المـزون المدانيـق
بامرك تدبرهـا ولـلارض تنسـاق
انك تزيل الي على الصدر من ضيق
وتردلي من مسكنه وسط الاعمـاق