أبكي قصيدة وأشبك البيت بالبيت

google_protectAndRun("ads_core.google_render_ad", google_handleError, google_render_ad);

أبكي قصيدة وأشبك البيت بالبيت
وأشكي قوافي الليل من كل ضيقه
وأدخل بحور الشعر لا من تجليت
وأغوص في وسط البحور العميقة
في حبكم لاني بحي ولا ميت
كني كسير الطير ماله طريقه

************

ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام

تدري إني موت أحبك
وان مالي غير حبك...
واللي ينبض في ضلوعي
ما هو قلبي هذا قلبك..
تدري يا فرحي وهمي..
من كثر مانت في دمي
كل ما تنظرك عيني
عيني من عيني تسمي..

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده

إن عاش راسي و اسعفتني سنيني
لروي ظمأ قلبي بقربك و اهنيه ..
و لو يزرعون الغام بينك و بيني
نذر علي لامشي لك الدرب و أطويه ..
و اشيل روحي فوق راحة يميني
و ابيع عمري لاجل شوفتك و اشريه ..

أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..

ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي

ما كل عين تذرف الدمع بأحزان
وما كل من يضحك يعيش بسعاده
كم واحد دمعة على الخد هتان
من زود همه يذرف الدمع عاده
يحاول انه يبتسم قدر الامكان
ويضحك ونار الحزن تحرق فؤاده

بحق الحب سيري يا حمامه
لطيف الروح هاتيلي سلامه
وودي له تحيات المودة
على الطايروهاتيلي كلامه
وقولي له ترى هجره سطا بي
وفي قلبي من الهجران شامه

لا كتبت اسمك تزين لي الحروف
ولا نطقته صار في لساني حلا
صدق أنا أحبك ولكن فيني خوف
خوف نتفارق بعد ذاك الغلا
لا تقابلنا يسكنا الكسوف
ضاعت الكلمات مني يا غلا
كانت الكلمات في لساني ألوف
ويوم شفتك ما ذكرت إلا هلا

*************

افرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك

افرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك
شكرا لك

» طريقة عمل الكرسبى فى البيت
» على باب الحنين (قصيدة بالفصحى)
» قصيدة لأم الشاعر ناصر الفراعنة
» قصيدة ناصر الفراعنة معمر القذافي !!
» قصيدة نادرة جداً للشاعر ناصر الفراعنة