مالك قلوب الشعب

هلا هيل عد السيل وارحب وياحيه

من الفرحة اللي ردّت الروح في الاوطان
ومن حبنا المكنون واشواقنا الحية
تنادت بنات الفكر وانقادت القيفان
والأفراح ماموره والاتراح منهيه
تلاشى الحزن يوم انفتح للامل بيبان
وفلّيت لك من مهجة القلب مطويه
هلا مرحبا بك يابو متعب عدد ما بان
في كبد السماء نجم ٍ شهر واشتعل ضيه
وما غرد القمري على مايل الاغصان
وما جاوبه من ساجع الورق عصرية
وما امطر على ديار الوطن رايح الودان
وما هبت بروضه هبوب الشماليه
سمعنا بشاير جيّتك وانجلت الاحزان
غيابك ضما لكن جيّتك وسميه
نهني بعضنا في سلامتك يا كحيلان
وذا اليوم نعلنها سعادة وعيدية
كتبنا لك التقدير بقلوبنا عنوان
يا مالك قلوب الشعب طيبه وحنيه
يا اكرم من انسام الصبا واشجع الشجعان
يا سيف العدالة يا ابيض الوجه والنيه
نحييك ونقدم لك الشكر والعرفان
هلا هيل عد السيل وارحب وياحيه
ونبعث ولانا اللي توارث من الجدان
ياكم وقفة ٍ تذكر ولا هيب منسية
نموت بشرف وسلاحنا الصدق والإيمان
والاقطار ما تندار والدار محميه
وطاعة ولي الامر من طاعة الرحمن
رضينا بشرع الله وسنته مرضية
عسى الله يبيح معزي جعلنا اخوان
على كلمة التوحيد دولته مبنيه
وعسى الله يشفي اليوم عبدالله وسلطان
على شان يفرح كل شعب السعوديه

ربي يعطيك الف الف الف عافية