( . . . ياليت تدري وش عمـل بـي غيابـك؟ . . . )

خل الأماني تسكـن اليـأس وتمـوت
----------وش عاد لو مات الأمل في غيابـك !!
-
العمر ضايع فيـك او فايـت الفـوت
----------نفس الحكايـه بـي تجـدد صوابـك
-
حبـل اللقـا مابيننـا صـار مفلـوت
----------قريت انا سطـر الأ لـم فـي كتابـك
-
صرخة ندم , او هم , او طيف ممقوت
----------كل المشاعـر غارقـه فـي عذابـك
-
اسمك على لوح العمر صار منحـوت
----------حبر العـذاب اللـي لجـا باغترابـك
-
صابر واشوف العمر من عمري يفوت
----------واسأل واقول الوقـت وينـه غدابـك
-
تفضحني الدمعه كما عالـي الصـوت
----------لا همت في كونٍ بـه الوجـد جابـك
-
بعدك عذاب ويحرق القلـب بسكـوت
----------أرجي عسـى يمطـر عليـه سحابـك
-
في غيبتك صار العمـر كنـه المـوت
----------ياليت تدري وش عمـل بـي غيابـك؟