ياشين نبش الجرح من عقب ماطاب

ياشين نبش الجرح من عقب ما طاب
نزفه مضاعف والالـم جايـر حيـل
اجور من جرح القرايـب ولانسـاب
واجور من حمل الجمل في سند ميل
واجور من بعض الاسامي واللاقـاب
الي على غير اهلهـا عـام وتحيـل
قال المثل لا تامـن السيـل والـداب
الداب سمه مـوت والغـدر بالسيـل
ياليت ابن برمان عن رحلتـه غـاب
ولا رافقه طيره مع الخرج والخيـل
ماني بحب اهل المظاهـر ولاكـذاب
الي لهم وجهين في الصبح والليـل
الي على وقت الرخاء كانهم اصحاب
وكلا يقول انه ولـد ذيـب واشعيـل
يلي تخضون اللبـن مـا بعـد راب
يدينكـم تبخـس موازيـن بالكيـل
من لا يغبر شاربه عاد هـو شـاب
ما دسمه لاقل مـن جسمـه الحيـل
وملا يهاب الناس ما هـو بمنهـاب
ايعيش باوهامـه ووقتـه غرابيـل
ومن عيب الاشـراف لابـد ينعـاب
لابـد دورات الليالـي لـه تمـيـل
العلـة الـي مالهـا حـل واطبـاب
امـا قلعهـا الله جابـت تعالـيـل
شخصتها والي ظهر بعض الاسبـاب
تقفـي تهاويـل وتقبـل تهـاويـل
ياصقر يالي معتلـي فـوق مرقـاب
سج النفس وافرد جناحيـك بالحيـل
بعض الصداقه من حديدين واجنـاب
اخير من ربع على القـول والقيـل

الشكر لك على المرور المميز
ودي لك